თელავის რაიონული პროკურატურის წარმომადგენლებმა 28 ნოემბერს, იაკობ გოგებაშვილის სახელობის თელავის სახელმწიფო უნივერსიტეტში, ქალთა მიმართ ძალადობის შესახებ სამთავრობო კამპანიის ფარგლებში, სტუდენტებთან შეხვედრა გამართეს.
შეხვედრაზე საუბარი, სექსუალურ შევიწროებასთან დაკავშირებით, კანონმდებლობაში ბოლო დროს განხორციელებულ ცვლილებებს, ქორწინების იძულებას, ადევნებას, ოჯახურ ძალადობას და სხვა საკითხებს შეეხო.
საქართველოს მთავრობის ადმინისტრაციის მიერ, უწყებათშორისი საბჭოს ფარგლებში, გენდერული ძალადობის წინააღმდეგ 16 დღიანი კამპანია მიმდინარეობს, რომლის ძირითადი გზავნილია- სექსუალური შევიწროება ადამიანის უფლებების დარღვევაა და ისჯება.
ძალადობის წინააღმდეგ კამპანიას საქართველოს პროკურატურაც შეუერთდა და კვირეულის ფარგლებში, საინფორმაციო შეხვედრებს ქვეყნის 24 ქალაქში მართავს.
