მასწავლებლის მომზადების 60-კრედიტიან საგანმანათლებლო პროგრამაზე საბუთების მიღება დაიწყო.

პროგრამაზე საბუთების მიღება 8 სექტემბერს დაიწყო და 24 სექტემბრის ჩათვლით გაგრძელდება.

საბუთების მიღება წარმოებს ყოველდღე, შაბათ-კვირის გარდა, 10:00-დან 17:00 საათამდე, უნივერსიტეტის მეორე კორპუსში, განათლებისა და ჰუმანიტარულ მეცნიერებათა ფაკულტეტის დეკანატში (მეორე სართული, ოთახი №207). აპლიკანტმა უნდა წარადგინოს შემდეგი დოკუმენტები:

ა) პირადობის მოწმობის ასლი (დედანთან ერთად);

ბ) უმაღლესი განათლების დამადასტურებელი დიპლომის ასლი (დედანთან ერთად) ან მასთან გათანაბრებული დოკუმენტი;

გ) ორი ფოტოსურათი (3×4);

დ) სამხედრო ვალდებულების დამადასტურებელი დოკუმენტის ასლი (სავალდებულოა ვაჟებისათვის);

ე) განცხადება რექტორის სახელზე (ივსება ადგილზე);

ვ) შეფასებისა და გამოცდების ეროვნული ცენტრის მიერ გაცემული საგნის გამოცდის ჩაბარების დამადასტურებელი დოკუმენტი.

შეგახსენებთ, რომ მასწავლებლის მომზადების საგანმანათლებლო პროგრამაზე აპლიკანტის ჩარიცხვის საფუძველია:

1. საგნის გამოცდის წარმატებით ჩაბარება;

2. უმაღლესი საგანმანათლებლო დაწესებულების მიერ განსაზღვრული გამოცდის ჩაბარება, რომელიც მოიცავს:

ა) ტესტირებას — საქართველოს კანონი „ზოგადი განათლების შესახებ“;

ბ) სამოტივაციო წერილს. მასწავლებლის მომზადების 60-კრედიტიან საგანმანათლებლო პროგრამაზე მისაღები გამოცდა ჩატარდება 2026 წლის 28 სექტემბერს.

დამატებითი ინფორმაციის მისაღებად შეგიძლიათ დარეკოთ შემდეგ ნომრებზე:

599 56 00 82; 555 45 27 94; 599 28 55 75; 593 91 46 74.

გისურვებთ წარმატებას!