იუნესკოს (UNESCO) მიერ გამოცხადებულია მდგრადი განვითარების ხელშეწყობის მეცნიერებათა საერთაშორისო დეკადის (IDSSD) ფარგლებში ინიციატივების წარდგენის მეოთხე საგრანტო კონკურსი.

კონკურსის მიზანია მდგრადი განვითარების გამოწვევების გადაჭრის ხელშეწყობა სამეცნიერო ცოდნის პრაქტიკაში გამოყენებაზე ორიენტირებული ინიციატივების გამოვლენისა და მხარდაჭერის გზით.

კონკურსში წარსადგენი ინიციატივები შეიძლება ეფუძნებოდეს საბუნებისმეტყველო, ჯანდაცვის, სოციალურ, ჰუმანიტარულ და გამოყენებით მეცნიერებებს, აგრეთვე, შესაბამის შემთხვევებში, მკვიდრი მოსახლეობისა და ადგილობრივ ცოდნის სისტემებს.

განაცხადების წარდგენის ბოლო ვადაა 2026 წლის 20 ოქტომბერი. განაცხადის შევსება და წარდგენა შესაძლებელია IDSSD-ის პლატფორმის მეშვეობით, შემდეგ ბმულზე: https://webforms.unesco.org/en/form/pbs003