იაკობ გოგებაშვილის სახელობის თელავის სახელმწიფო უნივერსიტეტის რექტორმა, შალვა ჭკადუამ და უნივერსიტეტის პერსონალმა 9 აპრილის მემორიალი ყვავილებით შეამკო.

" ეს არის წყალგამყოფი თარიღი საქართველოს ისტორიაში, რომელმაც გადამწყვეტი როლი შეასრულა ქვეყნის დამოუკიდებლობის გამოცხადებისათვის. ჩვენი ვალია, მუდმივად გვახსოვდეს გმირები, რომლებმაც ეს ისტორია შექმნეს და მომავალ თაობებს თავისუფალი საქართველო, საკუთარი სიცოცხლის ფასად მოუტანეს"- განაცხადა შალვა ჭკადუამ.

9 აპრილის მემორიალთან კახეთის მხარეში სახელმწიფო რწმუნებული, გიორგი ალადაშვილი და ადგილობრივი ხელისუფლების წარმომადგენლები იმყოფებოდნენ.

35 წლის წინ, 1989 წლის 9 აპრილს, რუსთაველის გამზირზე, რუსულმა არმიამ სასტიკად დაარბია საქართველოს დამოუკიდებლობის მოთხოვნით ქუჩაში გამოსული ქართველი მომიტინგეები.

გარდაიცვალა 21 და დაშავდა ხუთასზე მეტი ადამიანი.

1991 წლის 9 აპრილს საქართველოს უზენაესმა საბჭომ ქვეყნის დამოუკიდებლობა გამოაცხადა.