იაკობ გოგებაშვილის სახელობის თელავის სახელმწიფო უნივერსიტეტში სასწავლო წელი საზეიმო ღონისძიებით გაიხსნა.
უნივერსიტეტის სხვადასხვა ფაკულტეტის პირველკურსელებს ახალი სასწავლო წლის დაწყება რექტორმა, ირმა შიოშვილმა და კახეთის გუბერნატორმა, ირაკლი ქადაგიშვილმა მიულოცეს. „განათლების ხარისხის განვითარების ეროვნულმა ცენტრმა უნივერსიტეტს ავტორიზაცია მიანიჭა, ამიტომ დღეს ყველას თავდაუზოგავი შრომა გვჭირდება“_განაცხადა უნივერსიტეტის რექტორმა.
უნივერსიტეტის მიღწევებსა და პერსპექტივებზე პირველკურსელებს პროფესორ-მასწავლებლებიც ესაუბრნენ.
საზეიმო ღონისძიება უნივერსიტეტის შესახებ გადაღებული ფილმის პრეზენტაციითა და პირველკურსელებისათვის სიმბოლური საჩუქრების გადაცემით დასრულდა.
