ყვარლის მუნიციპალიტეტის საჯარო სკოლების მოსწავლეებმა იაკობ გოგებაშვილის სახელობის თელავის სახელმწიფო უნივერსიტეტი დაათვალიერეს. საუნივერსიტეტო ცხოვრებას სოფელ ახალსოფლის თემში შემავალი ხუთი სოფლის საჯარო სკოლის, 50-ზე მეტი მოსწავლე გაეცნო.
საზოგადოებასთან ურთიერთობის სამსახურის უფროსმა, ნინო კახაშვილმა, სკოლების წარმომადგენლებს უნივერსიტეტის ისტორია, აკადემიური სიახლეები, საგანმანათლებლო პროგრამები გააცნო და საზღვარგარეთის წამყვანი ქვეყნების უნივერსიტეტებში გაცვლით პროგრამებზე ინფორმაცია მიაწოდა. სხვადასხვა ასაკის მოსწავლეებმა, უნივერსიტეტის ხუთი ფაკულტეტის მიღწევების შესახებ უახლესი ინფორმაციაც მოისმინეს, განახლებული ინფრასტრუქტურა და კაბინეტ- ლაბორატორიები დაათვალიერეს. უნივერსიტეტის დათვალიერებისა და საგანმანათლებლო პროგრამების გაცნობის ინიციატივა, ყვარლის მუნიციპალიტეტის სოფელ ახალსოფლის საჯარო სკოლას ეკუთვნოდა.
