იაკობ გოგებაშვილის სახელობის თელავის სახელმწიფო უნივერსიტეტში, აზროვნების აკადემიის ლექტორმა, ჯვართამაღლების სატაძრო კომპლექსის წინამძღვარმა, თეოლოგიის დოქტორმა, დეკანოზმა თეოდორე გიგნაძემ საჯარო ლექცია ჩაატარა
დეკანოზი საზოგადოებას უნივერსიტეტის რექტორმა, შალვა ჭკადუამ წარუდგინა
ლექციის თემა “ქრისტიანობა და თანამედროვე გლობალური სამყარო” იყო.
ლექციაზე, დეკანოზმა თეოდორე გიგნაძემ, თანამედროვე გლობალური სამყაროს სიკეთეებსა და საფრთხეებზე, ასევე გლობალიზაციის პროცესში ქრისტიანული რელიგიის როლსა და მნიშვნელობაზე ისაუბრა.
სასულიერო პირს, გლობალიზაციასა და ქრისტიანულ მსოფლმხედველობაზე შეკითხვებს, თელავის სახელმწიფო უნივერსიტეტის სტუდენტები უსვამდნენ.
შეხვედრის დასკვნითი ნაწილი, მთლიანად კითხვა- პასუხის რეჟიმში მიმდინარეობდა.
ორგანიზებას თეოდორე გიგნაძის საჯარო ლექციას, თელავის სახელმწიფო უნივერსიტეტის სტუდენტური კლუბი "ერეკლე II" უწევდა.
