2016 წლის 23 ივნისს, იაკობ გოგებაშვილის სახელობის თელავის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტის სადისერტაციო საბჭოს სხდომა ჩატარდა.
საბჭომ დოქტორანტ მიხეილ ფიფიას სადისერტაციო ნაშრომი -,, სეტყვიანობის კლიმატოლოგია აღმოსავლეთ საქართველოში“ - განიხილა. (სამეცნიერო ხელმძღვანელები: გეოგრაფიის მეცნიერებათა დოქტორი, პროფესორი ელიზბარ ელიზბარაშვილი, ფიზიკა-მათემატიკის მეცნიერებათა დოქტორი ნოდარ ბეგალიშვილი).
სადისერტაციო კვლევის მიზანია-აღმოსავლეთ საქართველოში სეტყვიანობის კლიმატური მახასიათებლის გამოკვლევა 1961-2014 წლების მონაცემებით.
ნაშრომის საჯარო განხილვის დროს სადისერტაციო საბჭოს წევრების მხრიდან გამოთქმული მოსაზრებების შემდეგ მიხეილ ფიფიას გეოგრაფიის დოქტორის აკადემიური ხარისხი მიენიჭა.
